So’nggi yangiliklar

10:28“Бавария“ рози бўлди  0 10:05Кевин де Брюйне “Наполи“ билан келишув шартлари очиқланди  0 09:33Италия термасини бошқаришга асосий номзодлар маълум  1 09:02“Ал Насср“ МЮ юлдузини сотиб олиш учун ўз юлдузидан воз кечишга тайёр  0 08:31Криштиану Роналду Португалиянинг Миллатлар лигаси финалидаги ғалабаси ҳақида фикр билдирди  27 08:03ЦСКАни бошқариш учун иккита номзод бор  1 07:35ПСЖ футболчиси Испания — Португалия учрашувида энг яхши бўлди  4 07:09Неъматилло Қуттибоев: "Арислан Юсупбаев ва Аъзамжон Алиевларда жароҳат бор"  0 02:47Португалия — УЕФА Миллатлар лигаси соҳиби! Португаллар финалда испанларни пенальтилар серияси орқали мағлуб этишди  158 00:51Забарний "Борнмут"га ПСЖга ўтмоқчи эканини айтди, ҳимоячи учун 70 млн евро талаб қилишмоқда  1 00:25"Манчестер Сити"нинг 70 млн евролик бўлажак трансфери тиббий кўрикдан ўтди  2 23:50Жоб Беллингемнинг янги клуби маълум  0 23:22"Байер" Вирцни 140 млн евро эвазига "Ливерпуль"га сотадими?  4 22:35Қатар терма жамоаси Тошкентга етиб келди  8 22:15Ўртоқлик ўйини. Ўзбекистон ва Россиянинг 21 ёшгача бўлган жамоалари ўртасидаги ўйинда 9 та гол урилди  45

Islom Mamatkazin: "Bunday ishqibozlar oldida to'p surish hammaga zavq va motivaciya beradi" Yangiliklar

Islom Mamatkazin: "Bunday ishqibozlar oldida to'p surish hammaga zavq va motivaciya beradi"

Teglar :  Islom Mamatkazin
Superliganing 2-turida “Andijon” o'z maydonida “Bunyodkor”ni qabul qilib 5:1 hisobida g'alaba qozonib, o'z muxlislari uchun haqiqiy bayramona kayfiyatni yarata oldi.

Uchrashuvda uchinchi gol muallifiga aylangan himoyachi Islom Mamatkazin ham “Andijon”ning g'alabasiga katta hissasini qo'sha oldi. 

-Islom, ajoyib o'yin va g'alaba bilan tabriklaymiz. Bunday uchrashuvdan so'ng nimalarni ayta olasiz?

-O'yin juda shiddatli o'tdi. Tarixni yangilash payti kelgandi va buni yangiladik. Bu bizning “Bunyodkor” ustidan birinchi g'alabamiz bo'ldi. Ushbu muvaffaqiyatga hissamizni qo'shganimizdan xursandmiz. Barcha kelgan muxlislarga va bizni qo'llab-quvvatlaganlarga rahmat. Bunday ishqibozlar oldida to'p surish hammaga zavq va motivaciya beradi.

-Yirik hisobdagi g'alabani qanchalik kutgandingiz? Umuman, bahsdan oldin qanday hisobni o'ylagandingiz?

-To'g'risi, yirik hisobda g'alaba qozonishimizni kutmagandik. O'yindan oldin 2:0 yoki bitta to'p farqi bilan yutamiz, deb o'ylagandim.

-O'yin davomida “Bobur Arena”da yuzaga kelgan muhit haqida nima deya olasiz va bu sizga qanday tasir qildi?

-Uchrashuvdagi muhit bizga yaxshi tasir ko'rsatadi. Aytib o'tganimdek, motivaciya beradi. Futbolchilarni ruhlantiradi va o'ziga yarasha kuch bag'ishlaydi. Bu orqali biz 12-o'yinchiga ega bo'lib, maydonda bir futbolchi ko'p o'ynagandek bo'lamiz.

-Golingizni Konor Makgregor uslubida nishonladingiz. Bunga oldindan tayyorlanganmisiz yoki to'satdan shu narsa xayolingizga keldimi?

-Yo'q, bu tayyorlangan narsa emasdi. SHunchaki, bir kun oldin gol ursam shunday nishonlayman, degan o'y xayolimga kelgandi.

-Bu sizni “Andijon”dagi va Superligadagi ilk golingiz…

-Ha, debyut golim bo'ldi.

-Debyut golingizni kimga bag'ishladingiz?

-Onamga.

-Bunyodkor” sizda qanday taassurot qoldirdi?

-Hamma biladi, “Bunyodkor” kuchli jamoa bo'lib kelgan. Menimcha, yangi murabbiylar kelgani sababli ularda moslashuv jarayoni bo'lyapti.-

-Jamoada g'alabaga ishtiyoq va shijoat kuchli edi va bu natijada ham sezildi. Jamoa buning uchun qanday motivaciya oldi?

-Avvalo aytishim kerakki, jamoamizda muhit alo darajada. Hamma futbolchilar tushunib turgandi va tarixni yangilash payti kelganligini his qilishayotgandi. Hamma “Andijon” shanini munosib himoya qilish hamda “Bunyodkor” ustidan faqat g'alaba qozonish uchun kurashdilar. Hali bunaqa g'alaba bo'lmagan. Biz o'z maqsadimizga erishganimizdan xursandmiz.

-Endi Toshkentda “Surxon”ga qarshi o'yin bor. Bo'lajak bahs haqida o'ylayotgandirsiz?

-Biz yana shu ruhda davom etib, Xudo xohlasa, “Surxon” bilan o'yinda ham g'alaba qozonamiz, deb umid qilaman.

“Andijon” matbuot xizmati.

Reyting: +1   

Fikrlar

championat.asia
< so’nggi yangiliklarni ko’rish
Яндекс.Метрика