Iordaniya murabbiyi: Biz Urugvaydan ko'p narsa o'rganishimiz kerak

O'yindan keyin tashkil etilgan matbuot anjumanida iordanlar ustozi Hossam Hassan jamoasi Urugvaydan ko'p narsa o'rganishi kerakligi haqida gapirdi.

“Men yakuniy natijadan juda xafaman, - dedi misrlik murabbiy. – Ammo shu o'rinda shogirdlarimning mana shunday qiyin bellashuvda oxirigacha to'p surishganini ham takidlab o'tishim kerak. Bugungi yirik mag'lubiyatda aybni to'liq o'z zimmamga olaman. SHogirdlarimning hech biri to'g'risida tanqidiy fikr bildirmoqchi emasman. Urugvay – jahon miqyosidagi jamoa va ulardan ko'p narsani o'rgansak arziydi”.

“Bizda ham vaziyatlar bo'ldi, lekin to'p kirita olmadik. Qolaversa, himoyalanishda xatolarga yo'l qo'ydik. O'z maydonimizda muxlislarni xursand qilishni maqsad qilgandik, ammo buni uddalay olmadik. Sizga aytsam, Avstraliya, J.Koreya, Yaponiya singari Osiyoning eng kuchli jamoalari ham yirik hisoblarda mag'lub bo'lishgan va eng muhimi, ular mag'lubiyatdan to'g'ri xulosa chiqara olishgan. Biz ham rivojlanish uchun mana shu yo'lni tanlashimiz lozim.”

“Aytib o'tganimdek, yirik mag'lubiyatda hech bir shogirdimni ayblay olmayman. CHunki o'yinchilarning aksariyati bunday kuchli raqibga qarshi birinchi bor maydonga tushishdi. O'ylaymanki, yakuniy hisob o'yinga mos emas, sababi raqib bizni himoyaga qamab qo'ygani yo'q. SHogirdlarim qo'ldan kelgancha harakat qilishdi, ammo raqib safida mohir futbolchilarning ko'pligi Urugvayning g'alabasiga xizmat qildi”.

X.Xoliqov tayyorladi.