Intervyu. Jaba Jigauri: “Farg'onada evropacha muhit bo'ldi, uchinchi gol qo'lga tekkandi. Osiyo jamoalaridan taklif bor”

Dastlabki bosqichda ochkolar yo'qotgan jamoa ikkinchi davrada ishonchli o'yinlar ko'rsatib, yaxshi natijalarga erishdi. Shu jarayon va umumiy mavsum haqida jamoaning etakchilaridan biri – Jaba Jigauri fikrlari bilan o'rtoqlashdi.

– “Neftchi” bilan o'yin haqida.

– Birinchi navbatda “Neftchi”ni chempionlik bilan tabriklayman. Ularning bunga munosib ekaniga ishonaman. O'yin og'ir o'tdi, raqib yuksak motivaciya bilan maydonga tushdi.

– Stadiondagi atmosfera, muxlislar bosimi sezilmadimi?

– Bu kabi muxlislarga to'la stadionda o'ynash har bir futbolchi uchun orzu. “Neftchi” uchun bu o'yin amalda chempionlik finali edi. Biz esa o'z salohiyatimizni to'liq ko'rsata olmadik. Lekin bosim xalaqit qilmadi – aksincha, Evropa o'yinlaridagiga o'xshash atmosferada harakat qildik.

– Ushbu o'yindan oldin jamoada kuchli motivaciya borligi aytilgandi…

– Moliyaviy tomonlarni oshkora muhokama qilish to'g'ri emas, bu jamoaviy sirimiz. Lekin ayta olamanki, “Qizilqum” o'z motivaciyasiga ega, chunki o'z uslubiga tayangan holda o'ynaydi. Afsuski, kecha buni to'liq namoyish eta olmadik. Hakamlik haqida ham bir og'iz aytaman: uchinchi gol qo'lga tekkani yaqqol ko'rindi. Ammo bu futbol – xatolar uning bir qismi. Oldinda yana imkoniyatlar bor.

– Mavsum jamoa uchun kutilganidek yakunlanyaptimi?

– Mavsumni ijobiy baholayman. Birinchi davrada past o'rinlarda edik, ikkinchi davrada yangi murabbiy bilan o'yinimiz sezilarli yaxshilandi. Hozirgi kunda sakkizinchi o'rinni egallash imkoni bor. Albatta, kuchli beshlikni ham ko'zlagan edik, ammo umid qilamanki, keyingi mavsum natijalarimiz yanada yuqori bo'ladi.

– Ikki murabbiy orasidagi farqlar natijaga qay darajada tasir qildi?

– Nikola Lazarevichning o'z falsafasi bor edi, ammo bu ish bermadi va jadvalda pastga tushib ketdik. Nimada muammo bo'lganini aniq aytolmayman. Keyin jamoani yosh murabbiy qabul qilib oldi – u hali tajriba to'plamoqda, kelajagi bor mutaxassis, hali o'z so'zini aytadi. Ikkinchi davrada o'yinimiz qanday o'zgarganini o'zingiz ham ko'rdingiz.

– Keyingi mavsum rejalari?

– Yaqin vaqtlarda klub bilan suhbatlashaman. Qolamanmi yoki yo'q – barchasi klub rejalariga bog'liq. Shu bilan birga boshqa mamlakatlar va Osiyo jamoalaridan takliflar bor. O'zbek klublari ham qiziqish bildiryapti. Yaqin kunlarda kelajagim aniqlashadi.