Intervyu. Doston Hamdamov: “Singapurning eng xavfli nuqtasi - hujum”
14 okt 2019 17:00
Yangiliklar
![](https://championat.asia/upload/storage/523453_original.jpg)
![](/upload/storage/523453_220.jpg)
Intervyu. Doston Hamdamov: “Singapurning eng xavfli nuqtasi - hujum”
Mashg'ulotlar yakunlangach Doston Hamdamov bilan bo'lajak o'yin haqida suhbatlashdik.
- Terma jamoa azolarini murabbiylarning ko'rsatmalarini quvnoq kayfiyatda bajarishga intilayotganini nima bilan izohlash mumkin?
- Umuman olganda buni kayfiyat yaxshiligi bilan bog'lash o'rinli bo'ladi. Yaman bilan o'yinni esdan chiqarib, oldinda kutayotgan Singapurga qarshi tayyorlandik.
- Keyingi turda qo'lga kiritilgan uch ochko orqali imkoniyatlarimizni yaxshilab olish ehtimoli mavjud. Demak bizni faqat g'alaba qoniqtiradi. Futbolchilarda bosim yo'qmi?
- Nasib qilsa vatanmizga g'alaba bilan qaytishga va xalqimizni xursand etishga harakat qilamiz. Muvaffaqiyat uchun bor kuchimizni ishga solamiz.
- O'z o'yiningiz haqida nima deya olasiz? Boisi Ektor Kuper davrida qanotlarda yakkalanib qolardingiz, endi esa keng maydon bo'ylab harakatlanyapsiz...
- Har bir murabbiyning o'ziga yarasha taktikasi va falasafasi bor. Berilayotgan ko'rsatmalarni mukammal tarzda bajarayotganimiz uchun o'yinmiz chiqyapti. Boshqa gap yo'q. Jamoa qay darajada ahil va inoq bo'lsa, g'alabalar soni ko'p bo'ladi.
- Singapurning eng xavfli nuqtasi qaysi deb o'ylaysiz?
- Menimcha oldingi chiziq. Ular to'pni yo'qotgan zahotiyoq kuchli pressinga o'tishadi. Munosib va jiddiy qarshilik ko'rsatishadi deb o'ylayman. Ikki terma ham uch ochko uchun maydonga tushadi.
Abdulaziz suhbatlashdi
O’xshash yangiliklar
![AMP Logo](https://championat.asia/image/logo-amp.png)
Fikrlar