"Inter" Lautaro Martines bilan 111 million evro evaziga xayrlashishga tayyor

22 yoshli o'yinchini xarid qilishning yagona yo'li 111 million evro miqdoridagi xarid qilish huquqini aktivlashtirishdir.

Martinesning xizmatlariga "Barselona" qiziqish bildirmoqda. Aynan La Liga klubi o'yinchini transferlar oynasida xarid qilish uchun asosiy davogardir.

"Ko'k-anorranglilar" bitimga Xunior Firpo, Nelson Semedu va Ivan Rakitichlarni qo'shishni taklif qilishdi, ammo milanliklar bunga rad javobini berishdi.

"Barselona" Lautaroning o'ziga bir mavsum uchun 10 million evro miqdorida maosh berishga tayyor. Argentinalik o'yinchining "Inter" bilan tuzgan shartnomasi 2023 yilning 30 iyuniga qadar mo'ljallangan.