Inesta: “Derbi - har doim o'ta muhim bellashuv”

Ushbu jamoalar qarama-qarshilig uzoq tarixga ega. SHu sabab mazkur uchrashuvda stadion muxlislar bilan to'lib toshadi. Andres Inesta o'zi uchun “Espanol”ga qarshi kechadigan 28-derbida ishtirok etish niyatida.

“Bu har doim biz uchun o'ta muhim bahs bo'lib kelgan. Men ilk marta 12 yoshimda ularga qarshi maydonga tushganman. O'shanda o'yindan bir hafta oldin ushbu jamoaga qarshi o'zimni tayyorlay boshlaganman”, deydi “Barsa” sardori “Barca TV” jurnalistiga bergan intervyusida.

“Espanol”ning hozirgi holati borasida

“CHempionat starti ular uchun kutilganidek boshlanmadi. Ammo shunga qaramay raqibimiz juda yaxshi himoyalanadi va shu sabab bizga oson bo'lmaydi. Biz o'z maydonimizda o'zimiz istagan futbolni namoyish etishga harakat qilamiz. O'ylaymanki, g'alaba qozonish uchun bizda yaxshi imkoniyatlar bo'ladi.

O'zining jismoniy holati borasida

“O'zimning avvalgi holatimga qaytishim va asosiy tarkib uchun kurashishim lozim. Men o'zimni ushbu jamoaning bir bo'lagi sifatida his qilaman va o'ylaymanki, bu holat ko'plab yillar davom etadi.