Ilyos Zeytullaev "Yuventus"ning o'rniga qaerga borishi mumkin bo'lganini aytib berdi

 U 2000-yillar boshida, "Yuventus"ga o'tishidan avval qaerda bo'lishi mumkinligi haqida so'zlab berdi.

Men taxminan bir yil, balki undan ham ko'proq "Sportakademklub" klubida (turli SNG mamlakatlaridan futbolchilarni yig'ib, keyin Evropaga jo'natadigan rossiyalik klub – tahr. izohi) bo'ldim. Keyin meni va yana bir futbolchini "Bordo"ga jo'natishdi. O'sha ikkinchi futbolchini keyin qaytarib yuborishdi, meni esa qoldirishdi. "Bordo" menga katta taassurot qoldirgan – 10 ta maydon, asosiy jamoa va akademiya uchun ajoyib sharoitlar. Asosiy jamoa hattoki qadimiy qasrda yashardi.

Men "Bordo"da bir necha oy bo'ldim, klub men bilan shartnoma imzolamoqchi edi. Shundan so'ng men bir muddatga Moskvaga qaytishim kerak edi. O'sha erda bir narsa noto'g'ri ketayotganini his qila boshladim. Ehtimol, "Bordo" va "Sportakademklub" transfer puli bo'yicha kelisha olmagan bo'lishi mumkin.

Shundan keyin men "Feyenoord"ga yo'l oldim. O'sha paytda klubda Igor Korneev (SSSR, MDH, Rossiya terma jamoalari, CSKA va "Barselona" sobiq futbolchisi – tahr. izohi) o'ynagan. Franciya futbol rivoji bo'yicha Niderlandiyadan yuqori edi, lekin gollandlar yoshlar futboliga bo'lgan munosabatlari bilan menga juda katta taassurot qoldirishdi.

Biz u erda "Sportakademklub"dan boshqa bolalar bilan birga mashg'ulot o'tkazardik, "Feyenoord" safida bir necha turnirlarda qatnashdik. Hattoki Uesli Sneyderga qarshi ham o'ynaganmiz – u o'shanda "Ayaks"ning yoshlar jamoasida to'p surgan. Nega yana qolishning iloji bo'lmaganini bilmayman, ammo bizga darhol shunday deyishdi: "Feyenoord"dan so'ng "Yuventus"ga ko'rikka ketasizlar».

Ilyos Zeytullaev ishtirok etgan "Fint Turaeva" podkastining to'liq versiyasini (rus tilida) quyidagi havola orqali topishingiz mumkin: