Ilyos Zeytullaev: "Terma jamoamiz maksimal natija bilan uyga qaytishiga ishonaman"

"Milliy terma jamoamiz Qatar va KXDRga qarshi uchrashuvlar oldidan ancha yaxshi kayfiyatda deb o'ylayman. Bu bizga ustunlik beradi. Biz guruhda etakchimiz, lekin xotirjamlikka berilish kerak emas. Raqiblarimiz bizga qarshi agressivroq o'yin namoyish etishadi. Yigitlarga va murabbiylarga omad tilayman. Terma jamoamiz to'g'ri yo'nalishda. Terma jamoamiz maksimal natija bilan uyga qaytishiga ishonaman. Hozir terma jamoamiz ancha mazmunli o'yin namoyish etmoqda. Terma jamoamizni birga qo'llab-quvvatlashda davom etsak, biz istagan natijaga erishishimizga ishonaman.

Hozir terma jamoamiz tartibli o'yin namoyish etmoqda. To'g'ri, futbol muxlislar istagan darajada qiziqarli bo'lmasligi mumkin, ammo futbol shunday. Fikrlar har doim ikkiga bo'linadi. Kimga chiroyli futbol kerak, bazilarga esa natija qiziqroq. Bosh murabbiyga bo'layotgan bosim katta. Sababi ertaga murabbiydan qancha vaqt to'pga egalik qilgani yoki jamoa nechta gol urgani so'ralmaydi. Biz hech qachon mundialda ishtirok etmaganmiz. Tomoshabop o'yin bilan birga natijaga erishish yaxshiroq, albatta. Hozir JCHga chiqib olaylik, chiroyli o'yinni esa mundialda ko'rsatamiz," — dedi Ilyos Zeytullaev terma jamoamizning navbatdagi uchrashuvlaridan oldin.