Ilhom Hamroev : “So'g'diyona” bundan ortig'iga qodir”

Mazkur bahsda o'z gollari bilan “So'g'diyona”ning g'alabasiga o'z hissasini qo'shgan Ilhom Xamroev o'yin yakunlangach, o'z fikrlari bilan o'rtoqlashdi

- Kechagi o'yinda ko'p xatolarga yo'l qo'ydik. Bugun esa o'sha xatolardan to'g'ri xulosa chiqargan holda irodali g'alabaga erishdik. Bilsangiz kerak, “So'g'diyona” futzal jamoasi tarkibiga davralar oralig'ida qo'shildim. Bu erda jamoadagilar meni juda iliq kutib oldi. Jamoadagi ichki  muhit alo darajada deyish mumkin. Maydonda biz har doim bir-birimizni tushungan xolda, jipslashib xarakat qilamiz. Jizzaxda futzalga juda katta etibor berishadi.  Raxbariyat va murabbiylar shtabining olib borayotgan ishi “So'g'diyona”ni bundan ortig'iga qodir ekanligini anglatadi. Kelgusi mavsumda medallar uchun kurashamiz.

- Yana bugungi o'yinga qaytadigan bo'lsak, bizni qo'llab-quvvatlab turgan muxlislarga o'z minnatdorchiligimni bildiraman. Zaldagi ushbu muhit bizni faqat oldinga chorladi.  Yana qaytaraman, Jizzaxda futzalni juda ardoqlashadi. SHu sababli ham bunday jamoada, bunday ajoyib muhitda o'ynash har doim yoqimli.

- Keyingi turda “Bunyodkor”ga qarshi bahs olib boramiz. Diqqat etiborimizni ushbu o'yinga qaratamiz –deya so'zini yakunladi Ilhom Hamroev.