Ilhom SHaripov: "Imkoniyat bor ekan, oxirigacha kurashamiz"
02 noy 2017 12:39
Yangiliklar
![](https://championat.asia/upload/storage/286505_original.jpg)
![](/upload/storage/286505_220.jpg)
Ilhom SHaripov: "Imkoniyat bor ekan, oxirigacha kurashamiz"
Bu borada Dinamo klubi bosh menejeri Ilhom SHaripovning ham fikrini bilishga qiziqdik.
2018 yilda Oliy Ligada 12 jamoa qoldirilishi borasidagi qaror biz uchun ham kutilmagan qaror bo'ldi. Bunga qarshi emasmiz, ammo qaror 2018 yilgi mavsumdan kuchga kirsa, maqsadga muvofiq bo'lardi. Oliy Liga yakunlanishiga to'rt tur qolganida elon qilingani bir qator klublar singari bizlarni ham qiyin vaziyatga tushirdi. Sababi biz O'FF Reglamenti asosida ish yuritayotgandik. Qolaversa, birdaniga to'rt jamoaning ligadan olib tashlanishi o'sha viloyat, shaharlar sharafini himoya qilayotgan hududni katta futbolsiz qoldirishi mumkin.
SHunga qaramay, hozirda ham ligada qolish uchun imkoniyatimiz bor ekan, oxirigacha kurash olib boramiz. Ko'rib turibsiz, futbolchilarimiz ham vaziyatni tushungan holda katta ishtiyoq bilan mashg'ulotlarda ishtirok etishmoqda. Klub taqdiriga befarq bo'lmagan muxlislar hattoki mashg'ulotlarimizni ham kuzatishga kelishadi. Samarqandlik minglab muxlislar uchun ham Dinamoni Oliy Ligada olib qolish uchun bor kuch va g'ayratimizni ishga solamiz - deydi Ilhom SHaripov.
Malumot uchun, ayni damda Dinamo 29 ochko bilan Oliy Ligada 12-o'rinda bormoqda. Ligada qolish imkoniyatini beruvchi 11-o'rinda esa 30 ochko bilan Qizilqum joy olgan.
Dinamoning qolgan turlardagi o'yinlari:
Oliy Liga. 27-tur
4 noyabr (shanba). Navoiy.
QIZILQUM - DINAMO
Oliy Liga. 28-tur
8 noyabr (chorshanba). Samarqand
DINAMO - NEFTCHI
Oliy Liga. 29-tur.
19 noyabr (yakshanba). Samarqand
DINAMO - LOKOMOTIV
Oliy Liga. 30-tur.
25 noyabr (shanba). Muborak.
MASH'AL - DINAMO.
O’xshash yangiliklar
![AMP Logo](https://championat.asia/image/logo-amp.png)
Fikrlar