Ilhom Mo'minjonov: "Taktik xatoga yo'l qo'ydim"

- Bugungi o'yinda jamoamiz ijrosida birinchi marotaba shiddatni ko'rmadim. "Lokomotiv" albatta turnir peshqadami va ustunlikka erishdi. Ikkinchi taymda mening taktik xatolarim tufayli gollar o'tkazib yubordik. Birinchi taymda himoyaviy o'ynagandik, ikkinchi bo'limda esa uslubni o'zgartirganimiz bizga pand berdi.
O'yinda nafaqat taktik, balki umuman shiddat ko'rinmadi. Hozircha kiyinish xonasida hech narsa demadim. Qisqa tatildan keyin Namanganda yig'ilamiz va o'shanda futbolchilar bilan gaplashi olamiz. Yana qaytaraman, tanaffusdan keyin meni taktik xatoim tufayli yutqazdik.

Mahorat bobida albatta "Lokomotiv" futbolchilari ustun, ammo biz ushbu bahsda shiddatkorona o'ynay olmadik. Bu nima bilan bog'liqligi tushunarsiz. Buni tezda to'g'irlashimiz kerak.

Abbos Mahstalievni o'ng qanot himoyasida o'ynagani? To'g'risi, bahona qilishni yoqtirmayman. Ammo etakchilarimiz yo'qligi sababli o'ng qanotda Maxstalievdan boshqa nomzodni ko'rmadim. SHu boisdan majburan uni bu joyda o'ynatdim. SHuningdek, Otaxonovni ham bugun ilk bor chap qanot himoyasida o'ynatishga to'g'ri keldi. Bugun o'yinda har ikkala qanotimiz oqsadi. Mag'lubiyatni to'liq o'z zimmamga olaman va natija uchun doim murabbiy javobgar bo'ladi, - deydi Mo'minjonov.