Ildar Sakaev: “Bugun chiroyli o'yin guvohiga aylandik”

- Bugun jamoalar muxlislarga yoqadigan o'yin namoyish qilib berishdi, deb o'ylayman. Hujumkor, xavfli vaziyatlarga boy uchrashuv bo'ldi. “Yozyovon-lochinlari” ajoyib jamoa sifatida shakllangani ko'rinib turibdi. Garchi klub musobaqa debyutanti bo'lsa-da, hali ko'p raqiblariga bosh og'riq bo'la oladi. Bu haqida bosh murabbiy Abdusamad Do'rmonovga ham aytib o'tdim. Ular bugun ham yomon o'ynashmadi. Gol urish uchun qator vaziyatlarni tashkil qilishdi, lekin ulardan foydalanishda oqsashdi. Aksincha, biz gol urdik va g'alaba qozondik.