Ikkinchi liga. “Yashnobod” futbolchilari yig'inni yakunladi

Yashnobodliklar rejaga ko'ra, yig'in doirasida oxirgi o'rtoqlik uchrashuvini Sergeli tumanining LPS jamoasiga qarshi o'tkazdilar. Nazorat bahsi “Obod” suniy qoplamali stadionida uyushtirildi. Aziz Fayziev rahbarligida chempionatga tayyorgarlik ko'rayotgan “Yashnobod” jamoasi o'yinning ikki bo'limida ikki tarkibni sinovdan o'tkazdi. To'liq yashnobodliklar tashabbusi ostida kechgan bahsda 6:1 hisobi qayd etildi.

Eslatib o'tamiz, shahar birinchiligida bu yilgi mavsumda yigirma jamoa o'ntadan ikki guruhga bo'lingan holda kurashga kirishadilar. Ikkinchi liga o'yinlari 16 aprel kuni start oladi. Unda dastlab “A” guruhi jamoalari maydonga tushadilar. “Yashnobod” jamoasi qatnashayotgan “V” guruhida bahslar 17 aprel kuni boshlanadi. SHu kuni yashnobodliklar mehmonda IIVning “Akademiya” futbolchilari mehmoni bo'lishadi.