Ikki og'iz "Ronaldu" filmi haqida
17 noy 2015 12:50
Yangiliklar
![](https://championat.asia/upload/storage/188825_original.jpg)
![](/upload/storage/188825_220.jpg)
Ikki og'iz "Ronaldu" filmi haqida
Keyinchalik adashmasam, oktyabr oyiga kelib filmning ikki daqiqalik treyleri internetda paydo bo'ldi.
Va 9 noyabr kuni "Ronaldu" filmining premreasi bo'lishidan xabar topdim. Va nihoyat kecha bir yarim soatlik kinoni ko'rib, o'zim uchun yangi Ronalduni kashf qildim. Kino hujjatli film bo'lgani bois hech qanday maxsus effektlardan foydalanilmagan. Ronaldu super qahramon sifatida ko'rsatilmagan ham, qanday bo'lsa shundayligicha ochib berilgan.
Muhimi shuki, u qanchalik kuchli futbolchi, mashhur yulduz bo'lmasin, hammamiz qatori oddiy inson. Uning o'zi ham bir necha bor buni film davomida takidlab o'tadi. Kinoni ko'rib shunga amin bo'ldimki, Krishtianu Ronaldu bo'lish oson emas ekan. U shu darajaga etish uchun ko'p og'ir damlarni va qattiq mehnatni boshidan o'tkazibdi.
O'rtamiyona oilada dunyoga kelgan Ronaldu yoshligidan faqat futbol bilan mashg'ul bo'ladi. Otasi ichkilikka haddan tashqari ko'p berilganidan 53 yoshida jigar xastaligi tufayli vafot etadi. Akasi esa narkotik moddalarga berilib qoladi. Ronaldu ham shunday zulmatga kirib qolishi mumkin edi, ammo bu yo'ldan uni onasi Mariya Dolores va agenti Xorxe Mendes qutqarib qoladi.
Filmda Ronalduning hayoti va futbolchilik faoliyati imkon qadar ochib berilgan. Uning "Sporting"dan qanday qilib MYUga borib qolgani, keyinchalik "Real"ga o'tgani atroflicha tasvirlangan. Filmni suratga olish ishlari 14 oy mobaniyda davom etgan. JCH-2014da Portugaliya terma jamoasining guruhdan chiqa olmagani-yu, Ronalduning musobaqani jarohat bilan o'tkazgani ham eslatib o'tilgan.
Film rejissyori Entoni Uonk ko'proq Ronalduning maydon tashqarisidagi hayotiga etibor qaratgan. CHunki uning qanday futbolchi ekanligi hammamizga malum. Lekin Ronaldu maydondan tashqarida qanday inson, vaqtini kimlar bilan o'tkazadi, bu haqda ko'pam malumotga ega emasmiz. Film davomida shunga amin bo'ldimki, Krishtianu aksariyat vaqtini uyda o'g'li Krishtianu Junior bilan o'tkazarkan.
Asosiy sahnalar futbolchining Madriddagi uyida suratga olingani bois Ronaldu bu erda o'g'li bilan istiqomat qiladi. Uning uyida sportchi uchun hamma sharoit mavjud. Basseyn deysizmi, trenajyor zalimi... Garajda o'ntacha qimmatbaho mashinalar terilib turibdi. Filmda Ronalduning yolg'iz o'g'li bilan yashashi ko'rsatilgan. Uning eng yaqin odamlari esa onasi, ichkilikni tashlab yana yaxshi yo'lga qaytgan akasi va agenti.
Filmda Ronalduning Messi bilan o'zaro munosabatlari ham ochib berilgan. Xususan Krishtianu "Barsa"dagi hamkasbi haqida shunday deydi:" Men Messini raqibim emas, meni yanada kuchli futbolchi qilgan odam deb bilaman. O'z vaqtida men ham uni shunday kuchli qilyapman. Oramizdagi munosabat yaxshi. Biz bir-birimizga nisbatan doim hurmatda bo'lamiz, faqat bazan OAV juda oshirib yuboradi".
Film Ronalduning "Men uchun eng muhim narsa g'alaba qozonishdir" degan gapi bilan boshlanadi va "Bosimni yaxshi ko'raman. SHu bosim tugaganda butsalarimni mixga ilaman va faoliyatimni tugataman" degan gapi bilan yakun topadi. Kino barcha yoshdagi tomoshabinlar uchun mo'ljallangan bo'lib, hatto Ronalduni yoqtirmaydiganlar ham filmni ko'rgach, unga nisbatan qarashlari o'zgarsa ajab emas. Bir so'z bilan aytganda, Universal Pictures tomonidan tasvirga tushirilgan "Ronaldu" (Ronaldo) filmi sport yo'nalishidagi eng yaxshi hujjatli filmlardan biri sifatida tarixga kirishi shubhasiz.
Xayrulla Xoliqov.
O’xshash yangiliklar
![AMP Logo](https://championat.asia/image/logo-amp.png)
Fikrlar