Igor Taran: "Nasib qilsa muxlislarga ilk g'alabani taqdim etamiz"

Ushbu uchrashuv oldidan "oq bo'rilar" hujumchisi - Igor Taranning o'yin haqidagi fikrlarini bildirgan holda shunday deydi:

- Bu yilgi mavsumda, nafaqat muxlislarimiz balki jamoamiz ham g'alabalarimizni ancha kutib qolishdi. Buning uchun o'zim nomimdan va jamoadoshlarim nomidan muxlislarimizdan alohida uzr so'rayman.

- Farg'onada g'alaba qozona olmagan bo'lsakda, ko'tarinki kayfiyatda qaytdik. O'tgan turda olgan yagona ochkomiz jamoamiz chiroyli va irodali o'yin ko'rsatishga va natijalarga erishishga qodir ekanligimizga va o'zimizga bo'lgan ishonchimizni qaytardi desam yanglishmayman.

- Jamoadoshlarim kurashga chanqoq. Bugun "So'g'diyona"ga qarshi uchrashuvda maydonning xar bir qarichi uchun kurashamiz va muxlislarimizga bugun usha uzoq kutilgan g'alabani taqdim etishga harakat qilamiz, - deydi Taran.

"SHo'rtan" matbuot xizmati