Igor Taran: “100-golimni Jizzaxda uraman”
04 avg 2015 11:21
Yangiliklar

Igor Taran: “100-golimni Jizzaxda uraman”

Kecha G'uzor shahrida bo'lib o'tgan “SHo'rtan” hamda “Neftchi” jamoalari o'rtasidagi uchrashuv 4:1 hisobida, mezbonlar g'alabasi bilan tugaganidan xabaringiz bor.

Uchrashuv yakunida, ushbu o'yinda ikkita golga mualliflik va qolgan ikkitasiga hammualliflik qilib uchrashuv qahramoniga aylangan, bundan tashqari “dubl”ga erishib o'z hisobiga 99-golni yozdirib quygan Igor Taranni suhbatga tortdik.

Igor, sizni avvalambor bugungi g'alaba bilan tabriklaymiz. Bugungi uchrashuv haqida qisqacha fikrlaringiz?

Bugun jamoamiz ancha qiyin uchrashuvga tayyor turgandi. Baxtimizga barchasi biz o'ylaganimizdan biroz oson kechdi va jamoamiz ajoyib o'yin namoish etdi. Jamoamizdagi futbolchilar ham jismoniy jihatddan ancha quvvatga kirib, bir-birlarini tushunadigan bo'lib qoldi. Yigitlar yaxshigina ter to'kishdi va natija ham shunga loyiq bo'ldi deb o'ylayman.

Bugungi uchrashuvda ikkita gol kiritib gollaringiz sonini 99 taga etkazdingiz. Krasnickiy nomidagi to'purarlar klubiga azo bo'lish uchun atigi birgina gol etmayapti. Ushbu 100-golni qachon va qaerda ko'ramiz?

(Kuladi) Ushbu golni bugungi uchrashuvda kiritish niyatim paydo bo'lgandi, afsus unday bo'lib chiqmadi. Lekin keyingi uchrashuvda 100-golni albatta uraman. Buning uchun bizga faqat muhlislarning qullab-quvvatlashi zarur.

Havola :

Manba : fcshurtan.uz

Yangiliklarni Telegramda o'qing!

Reyting: +1