Igor SHtimac: "Rostini aytsam, hozirgi darajamiz shu. O'zbekiston ko'proq gol urishi mumkin edi"

- O'yin haqida...

- Qiziqarli o'yin guvohiga aylandik. Raqibni g'alaba bilan tabriklayman. O'zbekiston ko'proq gol urishi mumkin edi, biz ham o'z vaziyatlarimizdan foydalana olmadik. SHogirdlarimning o'yinidan qoniqdim. Vaziyatlarga boy bellashuv guvohiga aylandik. Rostini aytsam, hozirgi darajamiz shu. Jamoamizda bir nechta muhim o'yinchilar yo'q. Oxirgi o'yin oldinda, bu biz uchun so'nggi umid bo'lib qolmoqda.

- Qatarga qarshi JCH saralash o'yinida ham tezkor gol o'tkazgandik. Buning sababi nima?

- Bilmadim, o'yinchilar o'yinga tayyor edilar. Bu o'yinga juda katta ishonch bilan kelgandik. O'zbekistonga bo'shliq bersangiz, ular sizni "o'ldirishadi". 

- Bugun mag'lub bo'ldingiz, ammo Hindiston o'yinida qanday ijobiy jihatlarni ko'ra oldingiz?

- Biz qanday ahvolda ekanimizni qabul qilishimiz kerak. Bugungi o'yinimizdan ham ko'p narsa o'rganishimiz mumkin. Bu kabi turnirlarda kamchiliklarimiz ko'rinib qoladi. Gol uradigan hujumchilarsiz Osiyo kubogi kabi katta turnir qiyinchilik tug'dirishi aniq. Bizda bu darajaga mos tushadigan bir necha o'yinchilar bor, shu bilan birga, turnir darajasida bo'lmagan o'yinchilarimiz ham mavjud. O'z ustimizda hali ko'p ishlashimiz kerak.

- Hindistonning o'yiniga bu safar ham juda ko'p muxlislar keldi. Ularga nima deya olasiz?

- Muxlislardan uzr so'raymiz. Ammo futbolchilar muxlislarga juda ko'p quvonch taqdim etganini ham unutmasligimiz kerak. Keyingi o'yinda ular uchun harakat qilamiz.

- O'zbekiston o'yindan oldin favorit sifatida ko'rilgandi. Bugungi o'yinda aynan qaysi jihatlar bo'yicha raqib jamoa Hindistondan kuchliroq edi?

- O'zbekistonga vaziyat yaratish borasida osonlikcha yo'l berdik. Raqib jamoaning yoshlari juda kuchli. SHu tarafdan biz ancha ortdamiz. Hindistonda ham shu narsani yo'lga qo'yish kerak. Iqtidorli yosh futbolchilar etishib chiqishi uchun ko'p ish qilinishi keak. 

- Oxirgi ikki o'yinda hujumchilarimiz hech narsa qila olishmadi dedingiz. Ularning o'rinbosari yo'qmi?

- Yo'q, uni o'rnini bosadigan hech kim yo'q.

- Keyingi yil uchun rejalar qanday?

- Jamoada pozitiv kayfiyat yaratish kerak. Hozir hammasini aniq ayta olaman. Jamoamizdagi to'rtta eng kuchli o'yinchi tarkibda yo'q. Biz realist bo'lishimiz kerak. Maqsadimiz Jahon chempionati saralashining uchinchi bosqichiga chiqish hisoblanadi. 

- O'zbekiston termasi tarkibidagi yosh futbolchilar haqida gapirdingiz. Hindiston ham aynan yosh futbolchilarga ko'proq etibor berishi kerakmi?

- Albatta, mamlakatimizda yaxshi infrastruktura bo'lmasa, biz yuqori darajadagi futbolchini qanday talab qilishimiz kerak? Biz aynan shu yo'ldan borishimiz kerak. O'yinda ko'rdingiz, raqib hindistonlik futbolchilarga o'ylash uchun vaqt bermayapti. CHunki bu kabi katta musobaqalarda raqib bunga imkon bermaydi.