Igor SHkvirin: "Paxtakor"ni haqli g'alaba bilan tabriklayman

"Paxtakor"ni haqli g'alaba bilan tabriklayman. Bizda deyarli hech nima o'xshamadi, faqat so'nggi 5 daqiqada hujumga o'tdik. Dastlabki 85 daqiqada biz futbol o'ynamadik.

Obid Jo'raboev to'pni yonga va orqaga oshirdi, bu atayin qilinmagan. Menimcha uning jismoniy tayyorgarligi etarli bo'lmagani uchundir. Lekin ishontirib aytamanki u ataylab qilmadi. Men o'ynagan vaqtlarda shunday pas berilsa yarim yil zaxirada o'tirardik.

Bugun gol urishga yaqin kelgan vaziyatni eslay olmayman. Darko Stanoevich maydonga tushmadi, lekin bu bahona emas.

Men g'alaba qozongan tarkibni almashtirmaydigan murabbiylar qatoriga kirmayman. Masalan "Paxtakor"da ham bugun bir qator futbolchilar almashishgandi. Abibullaevni dastlabki 5 daqiqada ko'rdim, u to'rt bor to'pni yo'qotdi.

Bu yil chempionlik uchun odatdagidek "Paxtakor", "Bunyodkor" va "Lokomotiv" kabi klublar kurashishadi. Ular orasiga "Nasaf" va biz qo'shilishimiz mumkin.

Keyingi o'yinda SHerzod Hakimovga imkon beramiz. Polvonov o'tgan yil 14ta gol urib bu yil bironta ham gol urmadi.

O'tgan safar matbuot anjumaniga kirmagandim va "Bunyodkor"ga o'tganim haqida gaplar chiqdi? Yana bir bor matbuot anjumaniga kelmasam qaysi klubga o'tkazib qo'yasizlar (kuladi). Bu hammasi mish-mish.