Igor SHkvirin: "Kurash so'nggi turga qadar davom etadi"

"AGMK adolatli g'alabaga erishdi. Futbolchilarning mahorati va jamoaviyligi ko'rindi. SHunday bo'lishini bilardik va futbolchilarni ogohlantirib ham qo'ygandik. Yana bir bor olmaliqliklarni tabriklayman", – Igor SHkvirin.

- Fozil Musaevning himoyada o'ynagani o'zini oqladimi? Uning o'yiniga qanday baho berasiz?

- Fozil yaxshi o'yin namoyish qildi. Bu qarorga kelish aslida oson bo'lgani yo'q. Himoyamiz markazida muammolar bor edi. Toshtemirovning sog'lig'ida ham muammolar paydo bo'ldi. SHu sababli uni markaziy himoyaga qo'ydik. Birinchi paslarni qabul qila oladigan futbolchilar doimo himoyada o'ynay olishgan. Balki u havodagi kurashlarda unchalik yaxshi emasdir, ammo uning paslari yaxshi. Ehtimol, bu katta ustunlik bermas, biroq shu orqali o'zimizni yaxshi his qildik.

- Turnir jadvalining quyi qismida borayotgan jamoalar orasida kurash jiddiy davom etyapti. Imkoniyatlarni qanday baholaysiz?

- Bu so'nggi turga qadar davom etadi. Bizning taqvimimiz ham oson emas, raqiblarga ham g'alaba kerak. Holatni yaxshilashga harakat qilamiz. Mag'lub bo'lganimiz yoqimli emas, lekin ruhimizni tushirib yubormaymiz.