Ibrohimhalil Yo'ldoshev to'p tepadigan klub o'z nomini o'zgartiradi

Rossiya futbol ittifoqi Ijroiya qo'mitasi byurosi Nijniy Novgorod klubi nomini FK "Pari NN"ga o'zgartirishga kelishib oldi.

“Qaror: Nijniy Novgorod avtonom notijorat tashkiloti futbol klubini ANO FK "Pari NN" qisqartirilgan nomi bilan “Pari Nijniy Novgorod avtonom notijorat tashkiloti” futbol klubiga o'zgartirish to'g'risida kelishilib olindi”, — deyiladi ittifoq bayonotida.

Malum qilinishicha, Nijniy Novgorod byudjet etishmovchiligidan xalos bo'lish uchun o'z nomini "Paribet Nijniy Novgorod"ga o'zgartirishni rejalashtirmoqda.

Mavsum yakuniga ko'ra, Aleksandr Kerjakov shogirdlari 33 ochko jamg'arib, RPLda 11-o'rinni egalladi.