Ibragimovich “Milan”ga qaytishi sababini izohladi

38 yoshli futbolchi italiyaliklar bilan joriy mavsum so'ngiga qadar shartnoma tuzdi va bu kelishuv tomonlarning roziligi bilan yana bir yilga uzaytirilishi mumkin.

“O'zim hurmat qiladigan jamoa, o'zim yoqtiradigan shaharga qaytganimdan xursandman. Jamoadoshlarim bilan vaziyatni o'zgartirish uchun harakat qilaman. Oldimizga qo'yilgan maqsadga erishish uchun hamma narsaga tayyorman”, dedi Ibragimovich “Milan” klubi rasmiy saytiga bergan intervyusida.

Zlatanning so'nggi klubi “Los Anjels Gelaksi” klubi bo'lgandi. Hujumchi bu klubda 2018 yilning martidan 2019 yilning noyabriga qadar to'p tepdi. Joriy mavsumda Zlatan MLS (SHimoliy Amerika futbol ligasi)da 31 uchrashuvda maydonga tushib, 31 ta gol urdi va 8 ta golga assistentlik yildi.

Eslatib o'tamiz, Ibragimovich 2010-2012 yillarda ham “Milan”sharafini himoya qilgan. U qizil-qoralar tarkibida Italiya A seriyasida chempionlik va mamlakat Superkubogini qo'lga kiritgan.