Husniddin Aliqulov uchun mavsum yakunlandi. Futbolchi Jahon chempionatida ishtirok eta olmaydi

"Chaykur Rizespor" klubi tibbiy komissiyasi raisi, professor Hasan Turut futbolchining sog'lig'i borasida rasmiy malumot berdi.

Tibbiy tekshiruvlar natijasi kutilganidan ham ayanchliroq bo'lib chiqdi. Himoyachining chap tizzasida bir yo'la bir nechta jiddiy shikastlanishlar aniqlangan.

Shifokorlarning qaroriga ko'ra, Aliqulov yaqin kunlarda jarrohlik stoliga yotadi. Uning yashil maydonlarga qaytishi uchun taxminan 6 oydan 9 oygacha vaqt talab etiladi. Bu esa Husniddin uchun joriy mavsum muddatidan avval yakunlanganini va katta ehtimol bilan terma jamoamizning Jahon chempionatidagi o'yinlarini o'tkazib yuborishini anglatadi.

Championat.asia tahririyati nomidan Husniddin Aliqulovga mustahkam sog'liq tilaymiz va uni tez orada yana maydonda ko'rishga umid qilamiz!