Hozircha Suriyaning faqat ayrim futbolchilari mehmonxonaga joylashgan

Hozircha Suriya termasi to'liq jamoa bo'lib yig'ilgani yo'q. Poytaxtimizdagi "Lotte City Hotel Tashkent Palace" mehmonxonasida faqat ayrim futbolchilar va jamoaning jismoniy tayyorgarlik bo'yicha murabbiyi joylashgan, xolos. Jamoaning qolgan azolari bugun kechki payt mehmonxonaga etib kelishlari kutilmoqda.

Bizga malum bo'lishicha, bugun kechki payt Suriya termasining mashg'ulot o'tkazishi rejaga kiritilgan. Jamoa murabbiylaridan birining aytishicha, mashg'ulot 20:00da boshlanadi, lekin qaysi stadionda bo'lib o'tishini hali bilmaydi. Hozircha mehmonxonada bo'lib turgan suriyalik futbolchilardan eng mashhuri Omar Al Soma. Malumki, ushbu hujumchi Saudiya Arabistonining "Al Ahli" klubida to'p tepadi.

X.Xoliqov.