Hotam Trabelsi: "Oldingi Angliya tarkibida mashhur nomlar ko'proq edi"

Qizig'i shundaki, 1998 yilgi jahon chempionatida ham Tunis o'zining ilk uchrashuvini Angliyaga qarshi o'tkazgan va 0:2 hisobida mag'lub bo'lgandi. O'shanda Alan SHirer bilan Pol Skoulz tomonidan kiritilgan gollar inglizlarga uch ochko taqdim etgan.

O'sha o'yin qatnashchilaridan biri  Hotam Trabelsi qariyb 20 yil oldingi bahsni yodga oldi:

- "0:2 hisobida yutqazib qo'yganimiz hozir ham yodimda. O'shanda Angliya tarkibida judayam kuchli edi: Devid Bekxem, Alan SHirer, Sol Kempbell, Pol Skoulz kabi futbolchilar o'ynardi. Biz raqibdan rostdan qo'rqqandik".

- "Hozir ham Angliya terma jamoasi o'ziga yarasha kuchli, lekin 1998 yilgi jamoada nomdor o'yinchilar ko'p edi. Hozir inglizlarda texnik futbolchilar kamayib ketdi, ularda mehnatkash futbolchilar ko'proq".

- "Lekin endilikda Tunis terma jamoasi ham o'zgardi. Biz raqibdan qo'rqmaydigan bo'ldik. O'ylaymanki, jahon chempionatida Tunis terma jamoasi ham o'zini ko'rsata oladi. Balki birinchi o'yindayoq Angliyaga syurpriz tayyorlarmiz".