Hasanboy Ergashev: Ikkinchi bo'limda vaziyatni o'zgartira oldik

Uchrashuvdan so'ng mezbonlar himoyachisi Hasanboy Ergashev o'z fikrlarini bildirib o'tdi.

- Yaxshi, qiziqarli o'yin bo'ldi. Birinchi bo'limda maydonda teng kurash kechdi. Ikkinchi taymda esa vaziyatni ijobiy tomonga o'zgartira oldik. Tabiiyki o'z uyimizda o'ynaganimiz bois maydonga g'alaba uchun chiqqandik. Andijon ham yaxshi jamoa ekan. Agarda hisob 0:0 bo'lib turgan vaziyatda ularda yuzaga kelgan imkoniyat  gol bilan yakun topganida, uchrashuv umuman boshqacha tus olardi deb o'ylayman. Yaxshihamki o'sha vaziyatda darvoza ustuni bizni muqarrar goldan qutqarib qoldi. So'ngra biz ikki marta gol urib, g'alabani rasmiylashtirdik. Albatta muxlislarimizni xursand qilganimizdan mamnunmiz - deydi Hasanboy Ergashev.

"Andijon" matbuot xizmati