Harbiylar kubogi Oliy sud jamoasida
28 iyu 2016 13:30
Yangiliklar
![](https://championat.asia/upload/storage/213470_original.jpg)
![](/upload/storage/213470_220.jpg)
Harbiylar kubogi Oliy sud jamoasida
Har yili harbiylardan tuzilgan jamoalar o'zaro murosasiz bahs olib borishlari yaxshi ananaga aylangan. O'tgan yildan etiboran ushbu turnirga O'zbekiston Respublikasi Oliy sudi jamoasi ham taklif etilmoqda. Qizig'i shundaki, aynan ana shu jamoa finalda Toshkent harbiy okrugi jamoasini 2-0 hisobida engib, bosh sovringa sazovor bo'lgandi.
SHu boisdan, joriy yildagi musobaqada harbiylar sovrinni o'zlariga qaytarib olishga urinishlarini kutish o'rinli edi. Ammo Oliy sud xodimlari bu safar ham raqiblardan ustun ekanliklarini isbotlashdi.
Turnirning dastlabki bosqichida jamoalar to'rt guruhga bo'lingan holda to'p tepishdi. Rahimjon Obidov boshchiligidagi Oliy sud jamoasi o'z guruhida birinchi o'rinni egalladi. So'ngra chorak finalda Toshkent harbiy okrugi (1-0), yarim finalda Markaziy harbiy gospital (4-2) jamoalarini engib, finalga chiqdi. Oliy sud xodimlari hal qiluvchi bahsda Aloqachilar brigadasi (2-0) ustidan zafar quchib, musobaqa g'olibiga atalgan kubokni o'zlarida saqlab qolishga erishdilar.
- Eng muhimi, yurtimizda turli soha vakillari sog'lom turmush tarziga oshno bo'lib, bo'sh vaqtni mazmunli o'tkazishlari keng tus olgan ananaga aylangani barchamizni quvontiradi. Bizni ushbu turnirga taklif etganlarga va maydonda murosasiz bahs olib borganlarga o'z minnatdorchiligimizni bildiramiz. Yigitlarimiz muntazam mashq qilish har qanday og'ir vaziyatlarda ham engilmaslikka zamin hozirlashiga yana bir bor amin bo'lishdi, - dedi Rahimjon Obidov.
O’xshash yangiliklar
![AMP Logo](https://championat.asia/image/logo-amp.png)
Fikrlar