Hamza Karimov: “Nasaf”dan norozi bo'lib ketmaganman"

Hamza Karimov 2016 yilgi mavsumdan Navoiyning “Qizilqum” jamoasi safida to'p tepadigan bo'ldi.

Biz yaqinda Hamza Karimovning jarohatidan qutulib, yana safga qaytishi haqida eshitib, to'g'risi, xursand bo'ldik. Harholda Hamzaning vohamiz klublaridagi faoliyati, vohalik futbol ishqibozlarining doimo etirofida bo'lgan.

Bugun ayrim internet nashrlarida elon qilingan xabarlarda shu narsa tushuniladiki, guyoki Hamza Karimov  “Nasaf”dan xafa bo'lib, boshqa klubga o'tib ketgan va klub unga hech qanday yordam bermagan.

Ammo bizda bundan boshqacharoq malumotlar borligi, aniqrog'i Hamza Karimov jamoa bosh murabbiyi Ro'ziqul Berdievga “o'zining o'rniga boshqa o'yinchi qidirishini, endi u jamoaga boshqa yordam qila olmasligini” aytgan. Bizningcha, bu futbolchining aqlli va to'g'ri qarori bo'lgan. CHunki, jamoada o'yinchilarga qo'yiladigan talablarni u yaxshi bilgan.

Biz shu haqda yanada aniqlik kiritish uchun,  Hamza Karimovning o'ziga murojaat qildik.

-Mening “Nasaf”dan ketishimga hech qanday xafachilik yoki norozichilik sabab bo'lmagan. “Nasaf”dagi faoliyatim, futbolchilik faoliyatimdagi eng yaxshi davr bo'ldi, – deydi Hamza Karimov.

Biz yana shuni aniq bilamizki, “Nasaf” klubi hech bir o'yinchini hech qachon og'ir ahvolga tashlab qo'ygan emas.  Bizningcha, bundan keyin ham shunday bo'ladi.

Ammo bizni taajubga solgan holat shuki, “Nasaf” klubi  bilan sobiq o'yinchisi o'rtasida suniy  kelishmovchilikni o'ylab topish,  kimga naf-u, kimga zararligini tushunmadik.

Renat Ernazarov.