Hamidjon Aktamov: "Men murabbiyga emas Messiga muxlislik qilaman"

"O'ziga hos derbi va qiziqarli o'yin guvohi bo'ldik. Uchrashuvni nazorat qildik, vaziyatlar yaratdik. Lekin doimgidek gol urishga qiynalyapmiz. Ikki jamoaga ham ochko kerak edi. Safarda bir ochko bo'lsa ham ishladik.

Tanaffuslar futbolchilarning o'yinini izdan chiqarib yubormoqda. Pandemiyadan so'ng formaga kirib olganimizda FIFA kunlari boshlanib qolmoqda. FIFA kuni 14 kun bo'lsa 20 kunga cho'zilib ketmoqda. O'yinlar vaqtida har to'rt yoki besh kunda o'tsa chempionatni tugatib olgan bo'lardik. Mana hozir dekabr oyida ham o'ynaymiz. Havo sovuq. Yanvar oyidan yana yig'inga kirishishimiz kerak. Moliyaviy jihatdan hech qanday muammo yo'q. So'nggi paytlarda jarohatlar ham pand bermoqda. Asosiy tarkib futbolchimiz hali o'ziga kelgani yo'q.

Kubok dekabrda o'tgani bilan chempionat bilan birga uni ham yakunlashimiz kerak. Buni tashkil qilayotganlar o'ylashi kerak edi. Hozirda qiyin. Birgina bizga emas hammaga qiyin. Hech kimda ko'zda tutilmagan reja yo'q. Bugun reja qilsangiz bir haftadan so'ng rejangiz o'zgarib ketadi. Bu yil futbolda hech qanday o'zgarishni ko'rmadim. To'xtalishlar ko'p bo'lyapti. Dekabrda bo'lsa ham o'ynaymiz, ishimizni oxirigacha etkazib qo'yishimiz kerak.

Mavsum boshida kuchli beshlikka kirishni maqsad qilgandik. Rejalarimiz boshqacha edi. Orada jamoadan ketdim, yana qaytdim. Ikkinchi davrada tarkibni kuchaytirdik. Futbolchilarga etirozim yo'q. Barcha jamoalar bir xil sharoitda. Qay tartibda tayyorgarlik ko'rsangiz ham uzilish, to'xtalish bo'lyapti, o'yin izdan chiqyapti. Bugun to'p nazorati biz tomonda bo'ldi, 70/30. Oxirgi pallada gol uradigan futbolchi topilmadi. Men murabbiyga emas futbolchilarga muxlislik qilaman. Kimga? Messiga",- deydi Hamidjon Aktamov.