Hamidjon Aktamov: "Medallar uchun kurashishga bel bog'laganmiz"

Navoiyning "Qizilqum" jamoasi bu turda "Qo'qon-1912" maydonida mehmon bo'ldi va nursiz durang qayd etdi.

Ushbu uchrashuvdan so'ng navoiyliklar ustozi Hamid Aktamov fikrlarini bildirib o'tdi.

"Avvalo yaqinlashayotgan navro'z bayrami va mavsumning ochilish marosimi bilan tabriklayman. Bugun maydonda haqiqiy jangavor o'yin bo'ldi. Ikki jamoa ham g'alaba uchun kurashdi. Vaziyatlar yaratdik, lekin foydalana olmadik. Umuman olganda durang ham yomon natija emas. "Qo'qon-1912"ga keyingi o'yinlarda omad tilayman.

Mavsum endi boshlandi. O'yindan-o'yinga kuchayib boramiz. Dastlabki 4-5ta turda barcha bir xil holatda bo'ladi. Jamoaga taklif qilingan bir nechta yangi futbolchilarga ham vaqt kerak".

- Jamoa oldiga qanday maqsad va vazifalar qo'yilgan?
- Maqsadimiz hech qachon yutqazmaslik. Medallar uchun kurashishga bel bog'laganmiz.