Hamid Aktamov: "Doston Ibragimovni qidiruvga berganmiz, topolmayapmiz"

"Bugungi g'alaba bilan muxlislarni, Navoiy xalqini, barcha futbolchilarni tabriklayman. Ikki nafar etakchimiz Erkin Baydullaev va Oybek Qilichevning yo'qligini qolganlar bilintirishmadi. Muhim uch ochkoni qo'lga kiritdik. Qizig'i uchala golni ham o'zimiz urdik.

- O'tgan turda jamoa birinchi gol urib, ikkita gol o'tkazgandi, bugun esa aksincha bo'ldi...
- Bilasizmi o'tgan turdagi bahsning og'rig'ini haliyam yuragimdan chiqarganim yo'q. Necha yil murabbiy sifatida faoliyat olib borayotgan bo'lsam birinchi marta eng alamli va qo'pol o'yin bo'ldi. Bugun esa futbolchilar biz xohlagan o'yinni namoyish etib berishdi.

- SHerali Jo'raev asosan qanotda o'ynardi. Bugun markazda harakat qildi...
- Baydullaev va Qilichevning yo'qligini Jo'raevni markazga qo'yib yopishga harakat qildik.

- Bir necha tur oldin Doston Ibragimov jarohat olib safdan chiqqandi. U qachon maydonga qaytadi?
- Biz Doston Ibragimovni qidiruvga berganmiz. Uning izini topa olmayapmiz, hech qaerda yo'q. O'qishga deydi, xabarimiz yo'q.

- O'tgan turdagi hakamlarni haqorat qilganingiz uchun bugun O'FA sizga nisbatan jarima qo'llagani haqida xabar chiqdi. Jarima miqdorini ayta olasizmi?
- Bu narsani sizdan eshitib turibman. Hozircha jarima borasida hech qanday xat kelgani yo'q. Xat kelsa uni isbotlab berish kerak, aynan nima uchun jarima qo'llanilgani haqida.