Hafta iqtiboslari. Mashhurlardan eng sara fikrlar

- "Messi bilan jon deb birga o'ynagan bo'lardim. U dunyodagi eng zo'r futbolchi. Ronaldu esa "Real"dagi eng xavfli futbolchi. Uni to'xtatib qolish qiyin. Har ikkala futbolchi ko'plab gollar uradi. Men o'ynagan paytda ham yaxshi o'yinchilar ko'p edi. Figu, Del Pero, Tottilarning o'yinini juda yaxshi eslayman. Hozir odamlar faqat Messi, Ronaldu va Neymar haqida gapirishadi, oldinlari esa juda ko'plab futbolchilar tilga olinardi". (Sobiq futbolchi Rivaldo hozirgi va avvalgi futbolchilar haqida)

- "Real"ga o'tish va bu jamoa bilan ko'plab sovrinlarni qo'lga kiritish tush o'ngidan kelganini bildiradi. Men klub miqyosida deyarli barcha sovrinlarni yutdim, endi terma jamoam Xorvatiya bilan ham nimadir yutishim kerak". ("Real" yarim himoyachisi Luka Modrich keyingi rejalari haqida)

- "Men etti yo sakkiz yoshimda futbolni yoqtirib qolganman. Doim Evropa chempionlar ligasi bahslarini kuzatardim. Keyin ko'chada bolalar bilan futbol o'ynaganimizda Ronaldo, Zidan va Tottiga o'xshashga harakat qilardim. Ular futbolni mo'jiza darajasiga ko'tara olishgan". (Mohamed Salah yoshlikdagi kumirlari haqida)

- "Tite Braziliya terma jamoasiga o'z xususiyatlarini singdira oldi. Men hozirgi jamoaning o'yinlarini ko'rib ko'p narsa kutayotganimni yashira olmayman. Lekin jahon chempionatida g'olib chiqish oson emas, o'zim ham ikki bor qatnashib bunga amin bo'lganman. Braziliya JCH-2018da favoritmi? Yo'q. Har holda men shunday degan bo'lardim. CHunki boshqa kuchli jamoalar ham ko'p: Ispaniya, Germaniya, Portugaliya. SHuningdek, Belgiya safida ham yaxshi futbolchilar ko'p. Franciyada esa aslo ko'zni uzmaslik kerak. Lekin Braziliya ham kuchlilar qatorida" (JCH-94 g'olibi Rikardo Rocha o'z terma jamoasining Jahon chempionatidagi imkoniyatlari haqida)

- "Farqni aytish qiyin-u, lekin tajriba bobida ancha o'sdim. Bungacha bir qator muhim o'yinlar, Jahon chempionatida ishtirok etganman. SHundan kelib chiqib ayta olamanki, 2018 yilgi Neymar 2014 yilgi Neymarga qaraganda ancha kuchli bo'ladi". (Neymar Braziliya terma jamoasida 2014 yil o'ynagandagi holati va hozir haqida)

- "Men bundan faxrlanaman, bu juda ajoyib natija. Keyingi oylarda nima bo'lishini bilmayman. Hozir Yangi yilni yaxshi kutib olish haqida o'ylayapman xolos. Keyin esa faoliyatimda yangi qadam tashlashga harakat qilaman. Yangi mavsum uchun men yanada muvaffaqiyatli keladi deb umid qilaman". ("Borussiya" Dortmund futbolchisi Kristian Pulishich AQSHda yilning eng yaxshi futbolchisi deb topilganidan so'ng)

- "Biz uchun qura omadli keldi. Albatta, oson o'yinlar bo'lmaydi, lekin harakat qilsak, guruhdan chiqa olamiz. Xavotirga o'rin yo'q, Rossiya jahon chempionatida o'zini ko'rsatadi. Faqat buning uchun hamma bizga ishonishi kerak". (Rossiya terma jamoasi hujumchisi Fyodor Smolov keyingi yil bo'lib o'tadigan jahon chempionati haqida)

- "Mening bu erda o'z rolim bor. Asosiy maqsadim yosh futbolchilarga to'g'ri o'ynashni o'rgatish. CHunki kimdir ularga yo'l-yo'riq ko'rsatib turishi kerak. O'ylaymanki, hindistonlik yoshlar bir kun kelib Evropa klublariga yo'l olishadi. Ularda ishtiyoq juda yuqori. Hindistonda yangi liga tashkil qilinganiga endi to'rt yil bo'ldi. Hali hammasi oldinda". (Futbolchilik faoliyatini Hindistonnning "Kerala Blasters" klubida davom ettirayotgan Dmitar Berbatov mamlakat futboli haqida)

- "Mening ishim kimgadir nimanidir isbotlash emas, balki futbol o'ynashdir. Men tanqidchilar uchun to'p tepmayman, balki jamoam uchun o'ynayman. Oxirgi uch-to'rt yilda hech kimning gapiga quloq solmadim, tanqidlarga etibor bermadim. Odamlar esa gapiraveradi. "U "Barsa"ga kelgani uchun yaxshi o'ynayapti, Xitoyda bunday emasdi". Men bu gaplarni ko'p eshitdim. Vaholanki, doim hamma joyda bir xil o'ynaganman: "Bragantino"da ham, "Korintians"da ham, "Tottenxem"dayam, Xitoydayam". (Paulino tanqidlarga qanday munosabatda bo'lishi haqida)

- "Men Gabriel Jezusni uch yildan, Mbappeni esa bir yildan beri bilaman. Men ularni skaut sifatida kuzatganman va darhol "MYU"ga taklif qilishni o'ylab qo'ygandim. Ammo bu ish amalga oshmay qoldi". (Rayan Giggz Mbappe bilan Jezusni sotib olish kerakligi haqida Lui Van Gaal bilan gaplashganini yodga oldi)