Gus Xiddink: "PSJga o'z o'yinimizni taklif qilamiz"

- Ushbu to'qnashuvda jamoalar imkoniyatini teng baholayotgan fikriga qo'shilaman. PSJ juda kuchli jamoa tuzmoqda va ular Franciya chempionatida yaqqol peshqadamlik qilishmoqda. Har qanday klub buyuk bo'lishi uchun avvalo ECHLga zafar quchishi kerak. PSJ ham shu yo'lda va ularning asosiy maqsadi g'oliblik. O'zimizga keladigan bo'lsak, biz dekabr oyidagi "CHelsi"ga qaraganda ancha kuchaydik. Keyingi bosqichga yo'l olish uchun kurashamiz. Jamoa o'sishda davom etmoqda. Lekin biz hali o'zimiz istagan darajada emasmiz. Hali qilinadigan ishlar bor. Biroq biz har qanday raqibga o'z o'yinimizni taklif etishga qodirmiz. PSJ bilan o'yinda ham shu ishni qilamiz. Uchrashuvda birinchi raqamli jamoa sifatida harakatlana olamiz. PSJ azosi Marko Veratti yosh bo'lishiga qaramay juda kuchli futbolchi hisoblanadi. Veratti hozirda PSJda ham, Italiya terma jamoasida ham muhim futbolchilardan biri sanaladi. Lekin uning yo'qligini PSJ boshqa munosib futbolchi bilan to'ldira oladi. Biz ham Terrini o'rniga munosib futbolchi topa olamiz. Katta jamoalarda zaxira doimo topiladi.