Grigoriy Kolosovskiy: "Metallurg"ni Superligada saqlab qolish? Albatta, muddatidan oldin taslim bo'lmaymiz"

- O'yin haqida

- Ikki jamoa uchun ham qiyin o'yin bo'ldi. Hakamlik juda yomon bo'ldi. Uchrashuv davomida juda ko'p qoidabuzarliklarga guvoh bo'ldik. Barcha qoidabuzarlikga negadir bir jamoa foydasini ko'zlab qaror chiqarildi.  O'yinni nazorat qilishga intildik. Qarshi hujumda gol o'tkazib yuborganimiz qimmatga tushdi. Golni ham “Olimpik” vakillari qoidabuzarlik ortidan kiritishdi. Hakam ushbu vaziyatda nega hushtak chalmaganini tushunish qiyin. G'alabaga juda yaqin edik.

- Jamoaga qiyin vaziyatdan chiqib ketish uchun nima etishmayapti?

- Vaziyatlar bor, ammo yakunlashda qiyinchiliklarga duch kelayapmiz. Ko'rib borayotgan bo'lsangiz, har o'yinda golli vaziyatlar yaratamiz, biroq yakuniy zarbalarga aniqlik etishmayapti.

- Bugungi natijadan so'ng "Metallurg"ning Superligada saqlab qolish imkoniyatini qanday baholaysiz?

- Nazariy jihatdan imkoniyatimiz bor. SHunday ekan, oxirigacha kurashamiz. Jamoaning maqsadi hozir Superligadagi o'rnimizni saqlab qolishga qaratilgan. Albatta, muddatidan oldin taslim bo'lmaymiz.