Gidi Kanyuk: "Mashg'ulotlar yaxshi o'tmoqda"

Gidi Kanyuk (yarim himoyachi): - Mashg'ulotlar yaxshi kechmoqda. Birinchi kundanoq SHota Arveladze qo'l ostida ikkinchi davraga jiddiy hozirlik ko'ryapmiz. Barcha futbolchilar imkon qadar yaxshi ishlashga intilmoqda. Ikkinchi davra uchun puxta hozirlik ko'rish zarurligini tushunib turibmiz. Klub va jamoada meni juda iliq qarshi olishdi. Tezroq jamoaga moslashishim uchun yordam berishmoqda. Bu jarayon tez o'tmaydi, ammo klubdagilar ko'magida buni uddalayman deb o'ylayman. Hozircha butun fikrim "Paxtakor"ga yordam berishga qaratilgan, deydi "Paxtakor" klubi futbolchisi Gidi Kanyuk

"Paxtakor" matbuot xizmati