“Geolog” madaniyat va sport sog'lomlashtirish majmuasiga fotosayohat

Qarshi shahrida joylashgan “Geolog” stadionini hamma biladi, ammo bu erdagi zamonaviy dam olish majmuasi tarkibiga kiruvchi madaniy va sport inshootlari faoliyati bilan unchalik tanish bo'lmasalar kerak. Markaz 2007 yilda tashkil etilgan bo'lib, bu erda olti yoshdan 16 yoshgacha hamda undan katta yoshdagilarning madaniy hordiq chiqarishlari, sport bilan shug'ullanishlari va bilim olishlari uchun barcha qulayliklar yaratilgan.

Markaz xizmatidan hozirgi kunlarda mingdan oshiq yoshu-keksalar foydalanib kelishmoqda. Markazda erkaklar va ayollar fitnes zallari, yilning hamma fasllarida foydalanish imkoni bor suzish suv havzasi (basseyn), Bu erda yil davomida ayollar soati, bolalar soati va umimiy tarzda malakali mutaxasislar nazoratida suzish mashqlari muntazam olib boriladi.

Bundan tashqari o'n ming tomoshabinni o'z bag'riga sig'dira oladigan stadion, jahon standartlari talabiga javob beruvchi manej (futbol zali), “Delfin” nomidagi restoran, yozda madaniy hordiq chiqarish uchun katta ochiq suv havzasi, ushbu sua havzasida cho'milish, katamaran va qayiqlarda sayir qilish hamda har-xil attrakcionlardan foydalanish imkonlari mavjud. Bu majmuada hattoki sohil futboli (plyaj futboli) o'ynash uchun qumli maydon ham bor.

Hozirda majmuadagi kichik sportzallarida milliy kurashdan tashqari bir nechta sharq yakka kurashi sekciyalari faoliyat yuritmoqda, bu erda shug'ullanayotgan yoshlar sportning ushbu turi bo'yicha nafaqat vohamiz, balki mamlakatimiz sharafini ham xalqaro musobaqalarda himoya qilib kelishmoqda.

Majmua qoshida tashkil etilgan informatika, ingliz va rus tillarini o'rganish, shaxmat-shashka, rassomchilik, zardo'zlik uquv to'garaklarida faoliyat yuritayotgan yuqori malakali ustoz va murabbiylar yoshlarga ushbu fan va mashg'ulotlar sirlarini chuqur o'rgatib kelishmoqda.

Bu erda shuningdek bouling sport turi bilan shug'ullanish uchun zamonaviy jihozlangan majmua ham faoliyat yuritmoqda. Bu erda nafaqat shahar aholisi balki shahrimizga tashrif buyurayotgan mehmonlar ham hordiq chiqarishmoqda.