Gennadiy Kochnev: "Omad bizni tanladi"
13 avg 2017 19:22
Yangiliklar

Gennadiy Kochnev: "Omad bizni tanladi"

Oliy liganing 17-turidan o'rin olgan “SHo'rtan” – “Dinamo” jamoalari o'rtasidagi uchrashuvidan so'ng o'tkazilgan matbuot anjumanining ikkinchi yarmida “oq bo'rilar” murabbiyi – Gennadiy Gennadievich o'yin borasida quyidagi fikrlarini bildirib o'tdi.

Ketma-ket ikki o'yinda turnir jadvalidagi yonma-yon raqiblar bilan kurash olib bordik va bu ochkolar biz uchun oltinga teng desam adashmaymagan bo'laman. G'alaba qozonganimizdan juda baxtiyorman va bu g'alaba bilan g'uzorlik futbol muhlislarini tabriklayman. O'z o'rnida yigitlarga ham minnatdorchilik bildiraman. O'yin oson kechmadi. SHunday bo'lsada turnir jadvalida ochkolar bo'yicha samarqandliklarga etib oldik, bu ham o'ziga yarasha yoqimli his. To'p nazoratini ushlab tura oldik ammo hujumlarimizni yakunlaydigan futbolchi topilmadi. Raqiblar o'yin so'ngiga kelib tezlikni va hujumlarni oshirgani bois uchrashuvning so'nggi daqiqalari juda hayajonli va asabiy tarzda o'tdi. Ammo omad bugun bizni tanladi.
Hujum chizig'imizda muammolar mavjud. Ularni bartaraf qilishga harakat qilamiz. Ammo keling bugun yigitlarimizni urushmaymiz. Yoshlarimizga imkoniyat berib ko'rmoqdamiz. Xushbakov bugun o'zini ko'rsata olmadi, lekin niyat qilamizki u hali ishonchimizni oqlaydi. Safarov esa aksincha, jamoa o'yiniga tezda moslashib ketadigan futbolchi ekanligini isbotladi.
“Dinamo” tarkibida Oraxovacning o'ynamasligini yaxshi bilar edik, ammo Rogak ham bugun zahiradan maydonga tushgani biz uchun biroz kutilmagan voqea bo'lganini inkor etmayman.

Havola :

Manba : fcshurtan.uz

Yangiliklarni Telegramda o'qing!

Reyting: +3