Gennadiy Kochnev: “FIFAning "SHo'rtan"ga nisbatan chiqargan qarori o'yinchilarimizni sarosimaga solib qo'ydi”

-Bugungi uchrashuvda tezkor kiritilgan gol rejalarimizni barbod qildi. SHunday bo'lsada, birinchi bo'limda gol urishimiz uchun ham ajoyib vaziyat bo'ldi, ammo bugun omad biz tomonda emas edi. Ikkinchi bo'limdagi o'yinchi almashtirganimiz ham foyda bermadi. Uchrashuvda biz tayangan etakchi o'yinchilarimiz ham afsuski bugun kutganimizdek o'yin ko'rsata olishmadi. Bugungi mag'lubiyatimizga sabablar shu bo'ldi. Endi albatta “Nasaf”dek jamoaga maydonida qarshi o'ynash ham oson emas.

Ikkinchi davradagi ko'ngildagidek o'yin ko'rsata olmayotganimizga asosiy sabab, selekciya ishlarimiz yaxshi bo'lmadi. Umuman men jamoani qabul qilib olganimda ikkinchi davra uchun olinadigan o'yinchilar olib bo'lingan edi.

 O'zingizga malum, FIFAning bizga nisbatan chiqargan qarori o'yinchilarimizni sarosimaga solib qo'ydi. O'yinchilarimizning kayfiyati umuman tushib ketdi. Bunday kayfiyatdagi futbolchilar bilan ishlash oson emas. SHunday bo'lsada, ikkinchi davrada bir necha o'yinlarimiz ko'ngildagidek bo'ldi, buning uchun yigitlar diqqatini jamlay olishdi.

Endi rejalarimiz qanday? Albatta buni vaqt ko'rsatadi. Biz uchun O'FFning keyingi qarori ham katta zarba bo'ldi. Umuman kelgusida nima bo'ladi, bu haqda hech narsa deya olmayman.

Bilishimcha, O'FF bundan buyon licenziyalash bo'yicha talablarni ham kuchaytirmoqda. Bu albatta yaxshi. Aslida “SHo'rtan” klubidagi infratuzilma, yaratilgan sharoitlar OFKning talab darajasida, yani risoladagidek. Afsuski, bunday sharoitlarga ega bo'lgan “SHo'rtan”, endi quyi ligada o'ynashga majbur. Umuman Qashqadaryoda futbolga bo'lgan etibor havas qilgudek. Bu erda rahbarlar futbolga borini berishgan. Bu viloyatdagi klublarda yaratilgan infratuzilmani boshqa viloyatlarga o'rnak qilib ko'rsatsa arziydi.