“G'allakor” ikkita o'yin o'tkazdi. Tarkibda yangilar bor

Garchi jamoa nomi qura tashlash jarayonida ro'yxatga kiritilmagan bo'lsada, g'allorolliklar o'tgan mavsum qarzdorliklarini bartaraf etib, bu yilgi badal pulini PFLga to'lab berish orqali yana chempionatda ishtirok etishga umid qilmoqda.

Furqat O'rolov boshqaruvidagi jamoa mashg'ulotlar bilan birga sinov-nazorat o'yinlarida ham ishtirok etmoqda. Jamoa kuni-kecha “So'g'diyona” yoshlar jamoasi bilan kuch sinashib, yirik hisobda g'alaba qozondi.

“G'allakor” – “So'g'diyona” 3:0
Gollar: Sardor Axadov. Farruh Fayziev. Zafar Narziqulov.

Bugun ham g'allorolliklar nazorat uchrashuvini tashkil etdi. Bu safargi raqib birinchi liga azosi “Zomin” bo'ldi.

“G'allakor” – “Zomin” 2:2
Gollar: Aziz Malikov. Sirojiddin Abdurasulov.

Tarkibdagi o'zgarishlarga keladigan bo'lsak, o'tgan mavsum “Xorazm” sharafini himoya qilgan Marat Hoshimov va SHahzod Mannonov yana jamoaga qaytgan. SHuningdek “Mashal”dan 1997 yili tavallud topgan futbolchi Temur Mamatov yig'inda ishtirok etmoqda.

Mavsumlar oralig'ida “Neftchi” ko'rigida bo'lgan himoyachi Botir Xolliev ham yana ortga qaytib kelgan.