“Ғаллакор” иккита ўйин ўтказди. Таркибда янгилар бор

Гарчи жамоа номи қуръа ташлаш жараёнида рўйхатга киритилмаган бўлсада, ғаллоролликлар ўтган мавсум қарздорликларини бартараф этиб, бу йилги бадал пулини ПФЛга тўлаб бериш орқали яна чемпионатда иштирок этишга умид қилмоқда.

Фурқат Ўролов бошқарувидаги жамоа машғулотлар билан бирга синов-назорат ўйинларида ҳам иштирок этмоқда. Жамоа куни-кеча “Сўғдиёна” ёшлар жамоаси билан куч синашиб, йирик ҳисобда ғалаба қозонди.

“Ғаллакор” – “Сўғдиёна” 3:0
Голлар: Сардор Ахадов. Фарруҳ Файзиев. Зафар Нарзиқулов.

Бугун ҳам ғаллоролликлар назорат учрашувини ташкил этди. Бу сафарги рақиб биринчи лига аъзоси “Зомин” бўлди.

“Ғаллакор” – “Зомин” 2:2
Голлар: Азиз Маликов. Сирожиддин Абдурасулов.

Таркибдаги ўзгаришларга келадиган бўлсак, ўтган мавсум “Хоразм” шарафини ҳимоя қилган Марат Ҳошимов ва Шаҳзод Маннонов яна жамоага қайтган. Шунингдек “Машъал”дан 1997 йили таваллуд топган футболчи Темур Маматов йиғинда иштирок этмоқда.

Мавсумлар оралиғида “Нефтчи” кўригида бўлган ҳимоячи Ботир Холлиев ҳам яна ортга қайтиб келган.