"Galatasaroy" Torreyrani "Arsenal"dan xarid qilmoqchi

Jurnalist Fabricio Romanoning xabariga ko'ra, transfer borasidagi muzokaralar doimiy asosda davom etmoqda.

London klubi o'yinchi bilan xayrlashishga tayyor. Istanbulliklar endilikda 26 yoshli urugvaylikning o'zi bilan shaxsiy shartnoma shartlarini kelishishlari kerak.

Torreyra o'tgan mavsumni "Fiorentina"da ijarada o'tkazdi. U italyan jamoasi tarkibida 35ta o'yinda maydonga tushib, 5ta gol va 2ta assist qayd etdi.

Transfermarkt portali futbolchini 20 million evroga baholamoqda.