Futzal. Yarim final o'yinlari 28 aprelda boshlanadi

Unga ko'ra, Toshkentning "Ardus", Toshkent viloyatining "Olmaliq", Qarshining "Do'stlik-AIN" hamda Buxoroning "Kogon" jamoalari yarim finalga yo'l oldi. Endi final yo'llanmasi uchun birinchi o'yinda "Ardus" hamda "Do'stlik-AIN" klublari o'zaro bellashsalar, ikkinchi uchrashuv "Olmaliq" va "Kogon" jamoalari o'rtasida bo'lib o'tadi.

Yarim final o'yinlari ham bir jamoaning ikkita g'alabani qo'lga kiritguniga qadar davom etadi, uchinchi o'rin uchun ham shu tarzda kurash olib boriladi. Faqatgina final bir jamoaning uchta g'alabani qo'lga kiritgunigacha davom etadi. Demak, yarim final uchrashuvlari 28, 29, va 30 aprel kunlari "O'zbekiston" sport majmuasida bo'lib o'tadi.

Uchinchi o'rin uchun va final bellashuvlari 6 maydan boshlanadi.

O'zbekiston chempionati, yarim final
28-30 aprel

"Ardus" - "Do'stlik-AIN"
"Olmaliq" - "Kogon"