Futzal. U-20 Osiyo chempionati. O'zbekistonning chorak finaldagi raqibi - Mo'g'uliston

Birov avval yakuniga etgan bahsda O'zbekiston U-20 terma jamoasi Qatar yoshlarini 7:4 hisobida mag'lub etishdi. SHu tariqa, Xose Mariya Pazos Mendez shogirdlari 10 ochko bilan guruhni birinchi pog'onada yakunladi.

Endi vakillarimiz chorak finalda Mo'g'uliston U-20 terma jamoasiga qarshi kurash olib boradi. Mo'g'ulistonliklar "D" guruhida 4 o'yinda 2 g'alaba, 1 durang va 1 mag'lubiyat bilan 7 ochko to'plashdi. Bu esa ularning guruhda Eron yoshlaridan keyin ikkinchi o'rinni band etishlariga etarli bo'ldi.

Mo'g'ulistonga qarshi o'yin 22 may kuni 17:00da bo'lib o'tadi.

U-20 Osiyo chempionati
CHorak final
"Hua Mark Indoor Stadium"
22.05.2017, 17:00
O'zbekiston U-20 - Mo'g'uliston U-20



Musobaqa reglamentiga ko'ra, har bir guruhda 1–2 o'rinlarni egallagan jamoalar chorak finalga yo'l oladi. CHorak finalda g'alaba qozonganlar yarim finalga, yarim finalda yutganlar esa finalga yo'l oladi. SHuningdek, uchinchi o'rin uchun ham uchrashuv o'tkaziladi.