Futzal: Terma jamoa Tashkent Cup-2014 turniriga tayyorgarlikni davom ettirmoqda

Bahodir Ahmedov bosh murabbiyligidagi terma jamoa 19 noyabr kuni Toshkentda yig'inga kirishdi va turnir startigacha mashg'ulotlar o'tkazadi. Eslatib o'tamiz, Tashkent Cup-2014 xalqaro turniri 1-3 dekabr kunlari Toshkentdagi O'zbekiston sport majmuasida bo'lib o'tadi. Unda, O'zbekiston terma jamoasidan tashqari, Belarus, Qozog'iston va Ozarbayjon terma jamoalari ishtirok etishadi.

Malumot o'rnida, Toshkentdagi yig'inga Bahodir Ahmedov jami 16 nafar o'yinchini taklif etgan. Ulardan 14 nafari esa turnirda ishtirok etuvchi yakuniy ro'yxatga kiritiladi.

Eslatib o'tamiz, futzal bo'yicha O'zbekiston terma jamoasi bungacha 12-15 noyabr kunlari BAAning Dubay shahrida yig'in o'tkazgan va BAA terma jamoasiga qarshi ikkita o'rtoqlik uchrashuvida maydonga tushgan edi. BAAga qarshi o'tkazilgan ikkala uchrashuv ham O'zbekiston terma jamoasi g'alabasi bilan yakunlangan - 3:1 va 3:0.

O'zbekiston terma jamoasining Toshkentdagi yig'inida ishtirok etayotgan o'yinchilar ro'yxati:

Darvozabonlar: Rustam Umarov (Olmaliq), Akmal Xazratqulov (Dustlik-AIN)
Maydondagi o'yinchilar: SHuxrat Tojiboev (Gansu Mass, Xitoy), Javlon Anorov (Olmaliq), Konstantin Sviridov (Olmaliq), Eldor Xoshimov (Ardus), Timur Sadirov (Ardus), Davron CHoriev (Ardus), Davron Abdurahmonov (Ardus), Sarvar SHoaxmedov (Lokomotiv), Alan Aminov (Ardus), Dilshod Raxmatov (Gansu Mass, Xitoy), Farxod Abdumavlonov (CSKA, Qozog'iston), Dilshod Irsaliev (Ardus), Andrey SHlema (Olmaliq), Artur Yunusov (Ardus).