Futzal. SHuhrat Po'latov: "O'zbekiston guruhda birinchi bo'la oladi"
04 dek 2015 17:00
Yangiliklar
![](https://championat.asia/upload/storage/190774_original.jpg)
![](/upload/storage/190774_220.jpg)
Futzal. SHuhrat Po'latov: "O'zbekiston guruhda birinchi bo'la oladi"
"Ayni paytda men Malayziyada seminarda ishtirok etayapman. Qura tashlash jarayonini shu erdan turib katta hayajon bilan kuzatib bordim.
Menimcha O'zbekistonga oson bo'lmaydi. Sababi bu Osiyo chempionati, unda kuchsiz jamoalar ishtirok etmaydi. Barcha jamoalar maksimal tayyorgarlikka ega bo'lib Toshkentga kelishadi. Lekin shaxsiy fikrim, O'zbekiston o'z guruhidan birinchi o'rin bilan keyingi bosqichga chiqa oladi. CHunki bizning futzalchilarning hozirgi kundagi tajribasi va kuchi guruhdagi jamoalardan ancha baland deb bilaman.
O'zbekiston terma jamoasini Jahon chempionatida ko'rish mening orzuim. O'ylaymanki 2016 yilda bu orzuimga erishaman.
- Guruhdagi raqiblar haqida nima deya olasiz?
- Livan va Qirg'izistonga qarshi ko'p o'yinlar o'tkazganmiz. Saudiya Arabistoni terma jamoasi Osiyo chempionatiga ilk bor chiqdi. Bu jamoa ishtirokidagi bitta o'yinda hakamlik qilgandim. Arablarning mahalliy futzalchilari u qadar kuchli emas. Lekin ko'p arab jamoalari hozirda chet elik o'yinchilarni terma jamoalariga jalb etish orqali kuchayishmoqda. Asosan braziliyaliklar mahalliylashtirilmoqda", - deydi FIFA hakami SHuhrat Po'latov.
Narzulla Saydullaev yozib oldi
O’xshash yangiliklar
![AMP Logo](https://championat.asia/image/logo-amp.png)
Fikrlar