Futzal. O'zbekiston terma jamoasi guruh bosqichini qaysi hududda o'tkazadi?

14 sentyabrdan 6 oktyabrga qadar O'zbekistonda futzal bo'yicha erkaklar o'rtasidagi jahon chempionati o'tkaziladi. Mundialga Toshkentdagi "Humo Arena", Buxoro va Andijon viloyatlaridagi "Universal" sport komplekslari mezbonlik qiladi.

Xose Venansio Lopes murabbiyligidagi O'zbekiston terma jamoasi guruh bosqichidagi barcha uchrashuvlarni potaxtdagi "Humo Arena" sport majmuasida o'tkazadi. 

Jumladan, hamyurtlarimiz 14 sentyabr kuni Niderlaniya, 17 sentyabr kuni Paragvay va 20 sentyabr kuni Kosta-Rikaga qarshi maydonga tushadi.

"Oq bo'rilar" guruhda birinchi yoki ikkinchi o'rin bilan keyingi bosqichga chiqqan taqdirda ham 1/8 final o'yinini Toshkentda o'tkazadi. Faqatgina guruhda 3-o'rinni egallagan jamoa pley-offga yo'l olgan taqdirda, Buxoroga safar uyushtiradi.

SHuningdek, "A" guruhidagi Niderlaniya — Paragvay uchrashuviga ham ushbu viloyat arenasi mezbon bo'ladi.