Futzal. Osiyo chempionati qurasiga bag'ishlangan matbuot anjumani

"Birinchi navbatda O'zbekistonga kelganimdan xursandman. Musobaqa O'zbekistonda o'tishidan mamnunman. Ishonamanki Osiyo chempionati yuqori saviyada tashkil etiladi. Osiyoning kuchli 5ta jamoasi Jahon chempionatiga yo'llanma olishiga tilakdoshman", - deydi Saudiya Arabistoni futzal terma jamoasi vakili janob Saloh.

"Barcha tashkilotchilarga rahmat aytman. Qatarning juda qiyin guruhga tushdi. Biz kimga qarshi o'ynashimizdan qati nazar keyingi bosqichga chiqishga urinamiz. Jahon chempionati yo'llanmasi uchun kurash olib boramiz", - deydi Qatar futzal terma jamoasi vakili janob Abdulloh.

"Osiyo chempionatida kuchsiz jamoaning o'zi bo'lmaydi. O'zbekiston ham o'z uyidagi chempionatga maksimal tarzda tayyorgarlik ko'rib bormoqda. Guruhda barcha jamoalarning imkoniyati bir xil. O'zbekiston terma jamoasi oldiga Jahon chempionatiga yo'llanma olish vazifasi qo'yilgan. Yanvar oyida Qozog'iston bilan o'rtoqlik uchrashuvi o'tkazish borasida muzokaralar olib borilmoqda", - deydi Jahongir Rahmatullaev. 

- O'zbekiston bilan o'rtoqlik uchrashuvi o'tkaziladi. Agar Qatar bu o'yinlarda yutqazib qo'ysa musobaqadan oldin ruhiy bosim bo'lmaydimi?

- Bu o'yin ancha oldin rejalashtirilgandi. Biz kuchli raqib bilan o'yinda o'zimizning kuchli va kuchsiz tomonlarimizni ko'rib olamiz. O'zimizning tayyorgarligimiz qay darajada ekanini bilib olmoqchimiz.

- Fevral oyida Toshkentda juda sovuq bo'ladi. Bu arab jamoalariga tasir qilmaydimi?

- Yo'q. Futzal zalda o'ynaladi. SHu bois muammo bo'lmaydi. Bizning jamoadagi bir qator futbolchilar umrida qorni ko'rmagan. Aynan Toshkentda qorni ko'rishlari mumkin (kuladi).