FIFA 2020 yil bo'lib o'tadigan Jahon chempionatiga mezbonlik qilish uchun ariza topshirgan mamlakatlar nomini e'lon qildi. Unga ko'ra, Kosta-Rika, Xorvatiya, Eron, Yaponiya, Qozog'iston, Litva, Yangi Zelandiya hamda BAA davlatlari Xalqaro Futbol Assotsiatsiyalari Federatsiyasiga musobaqani o'zlarida o'tkazish uchun ariza topshirishgan.
Shu kungacha yuqoridagi 8 mamlakatdan birortasi har to'rt yillikning eng nufuzli musobaqasini o'z uyida o'tkazmagan. Bundan tashqari, hech bir Jahon chempionatini o'tkazishga buncha davlat ariza topshirmagan edi.
FIFA 5 avgustga qadar barcha mamlakatlarning taqdimotini va kerakli xujjatlarni ko'rib chiqadi. 2020 yilgi mundial qayerda o'tishi esa dekabrda e'lon qilinadi.
Eslatib o'tamiz, 2016 yilgi Jahon chempionati 10 sentyabrdan 1 oktyabrgacha Kolumbiyada bo'lib o'tadi.
