Futzal. Igita: "Muhim bir ochkoni qo'lga kiritdik"
03 dek 2014 14:24
Yangiliklar

Futzal. Igita: "Muhim bir ochkoni qo'lga kiritdik"

Kecha bo'lib o'tgan O'zbekiston hamda Qozog'iston terma jamoalari o'rtasidagi uchrashuvdan so'ng qo'shnilarimizning braziliyalik darvozaboni De Melo Viiera Leite Leonardo (Igita)ning fikrlari bilan qiziqdik.

"Biz O'zbekiston kuchli jamoa ekanini bilardik. Bundan tashqari O'zbekiston o'z uyida muxlislar qarshisida o'ynadi. Juda qiziqarli o'yin bo'ldi. Muhim bir ochkoni qo'lga kiritdik".

Rustam Umarov haqida
"Men uni Qozog'istonda o'ynaganida juda ko'p kuzatganman. Umarovning o'yini meni hayron qoldirgani yo'q. Doimgidek juda yaxshi o'ynadi. Bugungi uchrashuvning eng yaxshi o'yinchisi bo'lgani bilan tabriklayman".

Belarus terma jamoasiga qarshi o'yindan oldin
"Bugun Qozog'iston terma jamoasida o'zimning to'rtinchi uchrashuvimni o'tkazdim, yaqinda fuqarolikni qabul qildim. Belarus terma jamoasiga qarshi o'ynamaganman. Lekin ushbu jamoaning bahslarini tomosha qildim. Baquvvat o'yinchilari ko'p. Ularga qarshi g'alaba uchun o'ynamiz".

Tolibjon Qosimov

Havola :

Manba : championat.asia

Yangiliklarni Telegramda o'qing!

Reyting: