Futzal. Farrux Zokirov: "Sovrinli o'rinlar uchun kurashishda davom etamiz"

- AGMK jamoasi tarkibida O'zbekiston terma jamoasining ko'plab futbolchilari to'p surishini yaxshi bilasiz. Raqibning saviyasidan kelib chiqib safarda bizga oson bo'lmasligini sezgandik. Birinchi bo'lim durang hisobida yakunlandi. Bahsdan avval yigitlarga har bir imkoniyatdan maksimal foydalanish kerakligini uqtirgandim. Ikkinchi bo'limga faqat g'alaba uchun chiqdik. CHunki Farg'onada o'tgan "So'g'diyona" bilan javob bahsida mag'lub bo'lgandik. SHu sabab Olmaliqda g'alabadan boshqa yo'limiz yo'q. Lekin raqib bugun bizga juda katta bosim qildi. Yigitlarga rahmat deb qolaman. Raqibning mana shu bosimidan xatosiz o'ta olishdi.

- G'alabaga asosiy sabab sifatida nimani ko'rsata olasiz ?

- "Neftchi" rahbariyatining futzalchilarimizga bo'lgan yuqori ishonchi ularni g'ayrat va shijoatini oshirib yubordi. Bugun aynan mana shu omillar va o'zimizga bo'lgan ishonchimiz g'alaba qozonishimizga sabab bo'ldi deyishim mumkin. Farg'ona jamoasi chempionatda faqat sovrinli o'rinlar uchun kurashadi. "So'g'diyona"dan uchralgan mag'lubiyatdagi aybimizni yuvish uchun ham bugun astoydil harakat qildik.

- AGMK va "Paxtakor" jamoalari ayni paytda turnir jadvalida peshqadamlik qilishmoqda. Mazkur raqiblarni ham ortda qoldirish imkoniyatlarini qanday baholaysiz ?

- Hozirgi paytda shu jarayonlarni boshdan o'tkazyapmiz. AGMK bilan o'yindan so'ng bizni Farg'onada "Paxtakor"ga qarshi jiddiy o'yin kutmoqda. Mana shu ikki o'yinda biz oltin ochkolar uchun raqobat olib boramiz. Birinchi o'ringa ko'tarilib olishimiz, ko'p jixatdan mazkur bellashuvlarga bog'lik sanaladi. Nasib qilsa, o'z oldimizga qo'ygan maqsadga erishib farg'onalik muxlislarni xursand qilmoqchimiz. Yana bir bor bugungi o'yin uchun shogirdlarimga rahmat aytib qolaman.

Hojiakbar Jabborov yozib oldi