Futzal bo'yicha O'zbekiston milliy terma jamoasi Qirg'izistonga yo'l oldi
17 okt 2019 12:05
Yangiliklar

Futzal bo'yicha O'zbekiston milliy terma jamoasi Qirg'izistonga yo'l oldi

Joriy yilning 23-25 oktyabr kunlari Eronda futzal bo'yicha Osiyo chempionati-2020ning saralash bahslari bo'lib o'tadi.

Qura natijalariga ko'ra, O'zbekiston milliy terma jamoasi Markaziy va Janubiy mintaqaning “A” guruhidan o'rin olgan va terma jamoamizga guruhda Tojikiston, Nepal va Afg'oniston terma jamoalari raqiblik qiladi.

Saralash bahslariga hozirlik olib borayotgan O'zbekiston milliy terma jamoasi poytaxtimizda yig'in tashkil etgani haqida xabar bergan edik. Kecha mazkur yig'in yakunlandi va futzalchilarimiz qo'shni Qirg'izistonga yo'l olishdi. U erda saralash bahslari oldidan yakuniy o'rtoqlik o'yinlari tashkil etiladi. Futzal bo'yicha O'zbekiston milliy terma jamoasi 17 va 19 oktyabr kunlari Bishkekda Qirg'iziston terma jamoasi bilan o'rtoqlik o'yinlari o'tkazadi. So'ngra Eronga yo'l oladi.

#	Ism-familiya	Tug'ilgan yili	Amplua	Jamoasi
1	Rustam Umarov	1984	Darvozabon	AGMK
2	Ravshan Eliboev	1987	Darvozabon	Paxtakor
3	Ilhom Xamroev	1997	Futzalchi	AGMK
4	Ixtiyor Ropiev	1993	Futzalchi	AGMK
5	Xusniddin Nishonov	1998	Futzalchi	AGMK
6	Akbar Usmonov	1997	Futzalchi	AGMK
7	Mashrab Odilov	1994	Futzalchi	AGMK
8	Davron CHoriev	1993	Futzalchi	Paxtakor
9	Dilmurod SHavkatov	1994	Futzalchi	Paxtakor
10	Dilshod Rahmatov	1989	Futzalchi	AGMK
11	Xushnur Erkinov	1998	Futzalchi	So'g'diyona
12	SHahzod Sadiev	2000	Futzalchi	Dinamo
13	Dilmurod Jumaev	1997	Futzalchi	So'g'diyona
14	Sunnatullo Jo'raev	1994	Futzalchi	Nasaf